Hitskin.com

مـا للبيـوت العـامـره طـعْـم يــا حـمـود

إذا خلَـت فـي يــوم مــن حــسّ شـايـب

بيـبـانـهـا طــرْمــا وجـدرانـهـــا سُـــــود

ويـصـفـق نـوافـذهـا قـــويّ الـهـبـايـب

فـي كـل ركـن لحزنهـا اثبـات وشـهـود

عـلــى فــــراق مـهَـوِّنـيـن الـصـعـايـب

النادريـن أهْــل الـشـرف منْـقـع الـجـود

شيبـانـنـا الـلــي يحْـسـمـون الـطـلايـب

إخـوان مـن طـاع الولـي خـيـر معـبـود

الـلــي مـكـارمـهـم مــــن الله وهــايــب

ما يعرفـون الزيـف فـي اليُسْـر والكـود

صـــدْق وبـيــاض ورحـمــةٍ للـقـــرايـب

ثباتـهـم فــي حــزة الـضـيـق مـشـهـود

وإيمـانـهـم يـــزداد عــنــد الـمـصـــايـب

كانوا هنا .. وكـان السعَـد مالـه حـدود

وكــان الـرضـا يـمـلا قـلـوب الحبـــايـب

كـانـوا هـنـا .. مفـاخـر آبـــاء وجــــدود

ونـــور وأمــــان ووقــفــةٍ فـالـنــوايـب

واليـوم كـل اللـي مضـى صـار مفـقـود

وَلا بـقــى غـيــر الـجــروح الـعـطـايـب

يا حمود لوّ أبكي سنَـه حـزن ..واجـود

بـدمـوع فـقْـدٍ مـــن عـيـونـي سـكـايـب

علـى الـذي ذكْـره مـعَ الـنـاس محـمـود

الطـاهـر الـلـي مـثـل وبْـــل السـحـايـب

الوضـع غيـر ومــا بــه سهــود ومـهـــود

مــن يـــوم خلّـيـنـاه حـــدْر النـصـــايـب

نـهـار غـابــت بسـمـتـه ذابـــت كـبـــود

وشفنـا مـا عفنـا فـي زمــان العجـايـب

لـيـت المنـايـا لا لـفـت تـطـلـب الـــزود

مـــا تــاخــذ الا النـاقـصـيـن الــزلايـــب

روس ٍ كساها الشيب ما صانت عهـود

ومـن ظـن فيهـا يصـبـح الـظـن خـايـب

هـرّاجـة المجـلـس حـجـا كــل مـقــرود

بـيّـاعــة الــذمّــه بــســوق الـجــلايــب

الـرَّجـل فيـهــم لـــه عـضـــلات وزنـــود

هيـكـل فـحَـل والـقـلـب فـالـغـيّ ذايـب

ذلـيـل .. لا يـحــذف ولا يجـمـــع حـيــود

نقـص ٍ علـى الأجـواد حاضــر وغـــايـب

يـا الله يـا معْطـي العطـا غـيـر مـحـدود

وإيمانـنـا بــكـ مــا دخــل بــه شـوايــب

وأحْسـن عزانـا فـيــه يــا خـيـر معـبــود

لــولاكـ مــا نصـبـر بــلا حــسّ شــايــب

اللهم امين

اللهم من توفى منهم فـ ارحمه واغفر له ووسع مدخله ياحي ياقيوم..

ومن اطلت بعمره على طاعتك فـ ارزقنا برهم
وارضى عنهم وعننا ياحي .. ياقيوم ..

مـا للبيـوت العـامـره طـعْـم يــا حـمـود...إذا خلَـت فـي يــوم مــن حــسّ شـايـب.. Dw

الله يعطييك العاافيه ياالغلاا..
رووعه كروعتك..
اللهم ارحم امواتنا واموات المسلمين..

تقبلي مروري وتحياتي..

يعطيكي العافيه نقنق

الله يعآفيكم يالغوآآآآآلي..
لآعدمتكم..

مشوووووووره نقانقي على الانشوده روووووووعه
تقبلي مروري وشكري
جراحي هدايا القدر

العفو..جرووحه
الآروع مرورك يالغلآ..

يعطيك العافيه

Hitskin.com

مـا للبيـوت العـامـره طـعْـم يــا حـمـود...إذا خلَـت فـي يــوم مــن حــسّ شـايـب..