دقت البارح بنيّه ..صوتها .. يطرح رجال
.......... صوتها من جد يخلف درب رجلٍ مستقيم
قالت احمد قلت احمد وان بغيتيني جمال
.......... وان بغيتي جيت أيمن والا اجي عبدالعليم
وضحكت ضحكه طويله كلها سحر ودلال
.......... قلت انا .. لبى دلالك يابعد .. كل الحريم
قالت انت انسان رايق قلت يابنت الحلال
.......... من سمع صوتك يروّق لو به داءٍ سقيم
قالت اسمح لي ابسأل قلت يالبى السؤال
.......... قالت تحب الأغاني؟ قلت انا عبدالحليم
قالت الفاتن بونورة قلت انا حتى طلال
.......... قالت اسمع ما أحبه لو تقول انه عظيم
قلت انا لجلك بونورة بيني وبينه وصال
.......... الأماكن .. والبراقع .. يفتنني من قديم
قالت تحب الرياضة قلت إلى حد الهبال
.......... منهجي العقل يكمل دوم بالجسم السليم
قالت انت اكيد مثلي يعجبك نادي الهلال
.......... قلت انا يخسى الهلال وقالت اشفيه الزعيم
قلت انا يابنت .. هيّا والخلى ..مابه جدال
.......... مابقى إلا البوح يتبع ناديٍ .. اصله عقيم
الهوى والعشق ثابت .. مايبي أي احتمال
.......... النصر" بالقلب ساكن وانا في حبه اهيم
الوشم بالجسم لو هو في شريعتنا .. حلال
.......... لنقش شعار الجزيرة وسط صدري بالصميم
اسمعي مني .. نصيحه .. ماتقدر بالريال
.........النصر" ذا خط أحمر .. واتقي شر الحليم
اقفلي خطك بسرعه وانسي رقم الاتصال
.......... ما أبي هذا التواصل .. لاني رجلٍ مستقيم
رااااااقت لي جدا
مع احترامي للهلااليين
تحيااااااتي لكم
Hitskin.com
موضوع: قلت انا يخسى الهلال وقالت اشفيه الزعيم 
الجمعة أبريل 01, 2011 8:40 am
