Hitskin.com

حبيبتي ما تكلم بالعربيه
من يوم خلقت وهي في دار الأجنابي
عرفتها عن طريق اسلاك سحريه
وأبديت فيها مدى عشقي وإعجابي
أقول يا حي هذا الزول يا حيه
وتقول ما افهم عليك بليز يا أعرابي
وأعيد شرح الكلام شويه شويه
وأقول فيك الخفوق المهتوي ذابي
وتقول للحين مدري وش هي النيه
وأقول أنا فيك حرف القافيه شابي
وإن كان ودك حروفن انقليزيه
ماني بفاهم سوى ما يفتح البابي
ما عندي إلا أسس وحروف سطحيه
ومافيه عيب إنك تقدّر لي أسبابي
حاولت قبلك ولكن عجزت يديه
وألحين يمكن معك تنزاح الأتعابي
لجلك بسافر عن الدار السعوديه
وأجيك يمكن معك تسهل وتنسابي
الدار جنه وقربك يالاروبيه
يخلي الأطرم إليا شافك يبابي
قالت يا ولكم ويا أهلا ويا حيّه
كلامك اللي تقوله كنّه حرابي
أنا ترى من هل الدار الخليجيه
وبغيت أمازحك يا مجرم وكذابي
أدري تفاجئت وأدري ماهي بهيّه
لكنها درس وإكسب حصة عتابي
وضحكت من حسرتي من لدغة الحيه
وشلون مات الأمل في حضرة إعجابي
وقلت إسمعي يا فهيمه فيه ماريه
الوقت هذا جرحني أقرب أحبابي
ماهوب ذنبي إذا الأشواق مبليه
والقلب وده يعيش بدار الأغرابي
جربت جرح القرايب والهوى فيّه
وحلفت لا أغير الوجهه ومحرابي
الحب والشعر والبنت السعوديه
عذاب خلّى الشباب بحسرته شابي
وأنا مغادر وبرحل يالخليجيه
وإن كان ودك تجين هناك ترحابي
خلنا أقّل القليل نعيش حريّه
من دون لا فلان شاف وفعلنا عابي
وأتقن طموحي وأعرف الانقليزيه
وأعلمك غلطتك يا مدور عتابي
وإن قالوا الدار قلت الدار محميه
من دون جيش أبو متعب والأشنابي
وإن قالوا الأهل قلت بخير وبميه
أنعام يارب تحفظ شايب(ن) جابي
وآخر حروفي من الذكرى وداعيه
للمملكه والعرب وأقراب وأحبابي

يسلمو يا الغلا دائما ذوق

توقفتـ برههـ منـ الزمنـ كيـ أستدركـ قلمكـ
وجدتـ أنه من صنعـ إنسانـ تعجز اللغهـ عنـ وصفهـ
لا تحرمينا منـ تفوهاتكـ اللتيـ تجذبـ المتصفحـ
دمت ودام قلمكٍ ونبض قلبك
كل الود

تدوم ايامكم يالغوالي

أبدعتي في إختيارك وإنتقائك المميز
قصيده رائعه بكل معاني الروووعه لاحرمنا
منك ولا من جديدكـ المميز
تحيااااااااااتي

» ((كل شي يهون الا السعوديه واهل السعوديه))
» لاتقول احبك طز في الحب يلعن ابو الحب ملعون..
» الفرق بين الولد والبنت
» الفرق بين نوومة الولد والبنت
» السعوديه قبل ...