السلام عليكم ورحمة الله وبركاته

أسعد الله أوقاتكم بكل خير



بمناسبة شهر رمضان حبيت أن نستيضف موسوعتنا حسن الصبحان

أبي أعرف كيف رمضان عند موسوعتنا وشلون يمر رمضان عليه

ومن خلال هالاسئلة سوف نعرف خفايا اليوم الرمضاني لحسن الصبحان

وقبل كل شئ تفضل ===================> احب اشكرك على تفاعلك في المنتدي وهذا يبين معدنك الاصيل وهنا بجد يبان من هو حريص على حسن ويحب حسن وشكرك كل الشكر ولي الفخر بتواجد عضو مثلك لاني شفت لك اكثر من عشرين موضوع خلال شهر رمضان .

شاي ===> هاتي كوب



ولا قهوة ===> هاتي دله ياحبي للقهوه




أول شي وش كان فطورك اليوم هع =======> سمبوسه

اذكر لنا اول يوم صمته في جيزان
===> عزابي وغرف من المطعم سمبوسه وورق عنب ودله قهوه وتمر

أول رمضان قمت بصيامه كم كان عمرك ؟ ==> تقريبا بالسابعه

في بدايتك مع الصيام كم عدد المرات التي أكلت فيها دون معرفة أهلك ؟ كثير

موقف طريف أو محرج حدث لك في رمضان ؟ ===> لما كنت في المطبخ كنت اشرب مويه دخلت عليه امي قمت اسوي اني جالس اتمضمض قالت امي تتمضمضم بعلبة مويه هههههههههههههههههههههه





ماهي الأكله او الطبق الذي يجب ان يتواجد أمامك في رمضان ؟ ==============> السبموسه والشربه

شخص تفتقده في رمضان ؟ =========> لا شي

بمن تفكر اول ما تسمع بحلول الشهر الكريم بعد الوالده الله يحفظها

مالذي تتمنى أن تراة في المنتدى خلال هذا الشهر الكريم؟؟============> احب اشوف مسابقات وبرامج واقتراعات لكن للاسف .

مشهد يسعدك أن تراة في رمضان ؟؟============> السباق في ختم القران وكل شخص يجي يسالك وين وصلت في ختم القران




اختر واحد من اثنين )

تحب رمضان . الماضي ام الحاضر؟ =========> الماضي

رمضان في الصيف أو رمضان في الشتاء ؟ ===========> في الشتاء

في رمضان تحب النوم المبكر أم السهر ؟ ============> السهر

في رمضان تحب الإجتماع مع الأهل والأصحاب أم الجلوس لوحدك ؟=========> مع الاهل والاصحاب

لمن تقول هذه العبارة لأحدأعضاءمنتداك

أبتسمي وتوكلي على الله ====> لحساس حايل

كوني متفائلة دائماً =====> نعومه انثى

أوصيكِ ونفسي بحفظ القرآن الكريم =====> غنى

مشتاق لرؤيتك في المنتدى =======> محمد الصبحان

يسر الله أمركِ وفرج الله كربكِ========> احساس حايل

كيف تقضي وقت القيلولة في شهر رمضان ؟ ======> ماعمري مارست القيلوله في رمضان لاانام الا بعد الفجر

النت في رمضان .. كم يأخذ من وقتـك ؟=======> كثر ماياخذ من البنت في المطبخ لتجهيز الفطور

فرد من أفراد عائلتـك ما تحس لـ لمة الفطور معنى إلا بـ وجوده ؟ ====> محمد اخوي

ماذا تفضل اأن يكون مشروبـك بعد الفطور قهوه - فيمتو - عصير ( بـ انواااعه ) ؟
================> قهوه ويالبى القهوه وبس .

أكلة لو ماشفتها على طاولة الاكل .. احتمال تقلب البيت فوق حدر على اهلـك؟ ==========> السمبوسه

لو فجاءة صحيت من النوم ولقيت إن الساعة 7 الصباح لا لحقت لا على عشا ولا على سحور

ساعتها شنـو بتسوي؟ ========> هذا حصل معي والله ثالث يوم كان يوم الاربعاء يلي طاف وقتها نمت الساعه 2 قلت بنام ساعه اتسحر واشرب ماي ولكن ماصحيتا الا الساعه 6 الفجر وقتها خلصو الصلاه بس الحمد اكلمت صيامي بالرعم كنت بعد الدوام مسافر لديرتي .

باي حان وقت الأفطار =======> فطور شقي خخخخ

لي عوده بإذن الله

اكتب رســالة الى صــائم ..؟؟ ====> احتسب الاجر وافتخر انك صائم لوجه الله فالله يفرح بصيام العبد وبالتزامه لاوامره .

لمــن تهــدي سمبوسة ][ حب ][ ..؟؟ ========> لك من تفقد الحنان هيه نسيت اقصد للاطفال .
ولقيمــات ][ عتب ][ ..؟؟ =========> اعضاء المنتدي .
وشــوربة ][ شكــر ][ ..؟؟ ===> لك على موضوعك القيم

مالــدعاء الذي تتمنـى أن توفق لـة في ليــلة القــدر ..؟؟ =========> ان اكون حاكم للعرب .

لأي جزء وصلت في ختم القرآن ؟ =====> توني باقي

قبل رمضان هل يكون لك شعور خاص ، أو استعداد خاص ؟ ======> فقط الاكثار من الدعاء والحث على نفسي ان يكون رمضان افضل من يلي قبل من حيث ممارسة العبادات والقران .

هل صمت في غير في غير بلدك ؟ ===> في مصر

كيف تقضي يومك في رمضان ؟ ===> دوام الصبح وارجع انام للفطور وافطر وبعدها اروح اتسوق او مع اصحابي وبعدها للسحور والنوم .

ماذا تتمنى في هذا الشهر ؟================> تحرير فلسطين

نأتي بالفطور / ماهي سفرتكم في الفطور عامة =======> رقش وسمبوسه وشوربه وشعيريه ومكرونه ولقيمات وورق عنب ولحم او قطع من الدجاج وتختلف كل يوم بزياده صنف .

نأتي للسحور / تكلم لنا عن سحوركم باختصار ؟ ================> سحورنا كبسه .

اذكر اهم المسلسلات والبرامج المهمه بالنسبه لك عبر الاذاعه او التلفاز تتابعه في رمضان ؟ ======> لااتابع مسلسلات ولا برامج لانها تخريب للعقل وفساد له يمكن تابعت حلقه او حلقتين من طاش فقط .

اسم المسجد الي تصلي فيه ؟ ============> بحكم اني مابين ظهران وجازان مالي مسجد محدد

أحلى شيء في رمضان برأيك ؟ ===> الجانب الروحاني

هل ناوي تغير صفة او اي شيء فيك مو عاجبك برمضان ؟ ==========> ان اترك شي واسمحولي ان لااصفح عنه .

هل تستيقظ لصلاة الفجر ؟=====> اصلا ماانام الا بعد الفجر

من يهمك أكثر هل شهر رمضان أم مسلسلاته ؟=========> لااتابع المسلسلات وهذا اول رمضان اترك في المسلاسلات والله

هل أنت ممن ينتظرون أذان المغرب من أجل الأكل أم للصلاة والعبادة ؟ ===========> اكيد المغرب لان اللمه وقت الفطور حلوه وحماس هاه اذن باقي ماذن وبعدين انا سويت مقلب قبل يومين كنا عازمين انسابنا وكانو مجتمعين عندنا في المجلس وقتها وصل محمد قبل الفطور بساعه من الرياض فقال لي حسن اطلع برى واذن لان كان الناس مجتمعين عند السفره ينتظرون الاذان فقمت اذن والله الا وكلهم قامو يبون ياكلون الا محمد يقول هذا حسن يستهبل ونا قمت اقول لااحد يفطر اللهم فاشهد اني امزح هههههههههههههه وبعدها قامو يطقطقون على راسي ويسبوني هههههههههههههههههه وسط ضحكات الجميع .

وماهو الشي المميز الذي تفكر بفعله في هذا الشهر الكريم ؟ =====> العمر وختم القران

ثلاث بطاقات لمن تعطيها في هذا الشهر ؟ للوالده وللشعب ديرتي السعودي فديتهم وللاعضاء المنتدي

يقفز قلبك فرحاً لزيارة الأصدقاء
السهر
العباده =========> للعباده
أم للتلفاز

بماذا تتميز به السفره الرمضانيه في ظهران الجنوب عن باقي مدن المملكه

هل أنت ممن يحب أن يفطر خارج المنزل .. أم مع الأهل ؟ ============> تتميز السفره الجنوبيه عن باقي المناطق السعوديه ان السفره الجنوبيه تتواجد فيها اهلي فقط .


؟

اكتب شعوراً صادقاً من قلبك؟ ======> احبكم بكل لغات العالم

ماذا تتمنى في هذا الشهررر ..؟! أمنية عامة وخاصة .========> ان يتغير وضع المنتدي واشوف اشياء ومفاجئات لي .

هل سبق وأخذت عمرة في رمضان ؟ وماهو شعورك ؟===> اكيد ماتتفوت العمره برمضان شعور جميل ورايع

بالنسبة لك كيف ترى اليوم الرمضاني في وسطك * بيتك * ؟ ============> حماس ووناسه وضحك .

في الختام ::

اترك هدية منك هنـــــــــــــــــــــا بمناسبة شهر رمضان المبارك

احبابي وجمهوري وابناء واخواني واخواتي نحاول ان يكون رمضان خيرا للنا ويكون كل شخص حريص على اغتنام فضايل هالشهر وان يغير كل اشياء السلبيه فيه وان يكون رمضان بدايه لنا .

ولك الحرية في الهدية