السلام عليكم ورحمة الله وبركاته
كيفاتكم .. إن شاءالله الكل بخير وعافيه
حبيت أشارككم بحلول عشان اللي مايعرف يطبخ
يستفيد من هالشباب الشيوف << جمع شيف
أغلب الشباب اللي نعرفهم أجسامهم نحيـــــــــفه بسبب قلة الأكل
والسبب في قلة أكلهم مو فقر .. أو إنه مافيه أحد يطبخ
السبب إنه آخر إهتماماتهم الأكل .. ويقدمون كل شي عليه
خصوصاً (النوم) و (السهر)
ومايدورون الأكل إلا بعد فوات الأوان
يكونون الأمهات والخوات في سابع نومه <<وأولهم أنا
في هالوقت يجي دور تخبيصاتهم
الخبصه الأولى :
واحد من أخواني يسوي عصير تانج ويغمس البسكوت فيه
بدل الحليب << معليش نعديها
الخبصه الثانيه :
أخوي الثاني يخلط تونه مع كاتشب والمشكله طول الوقت
يقول امممممممم والله طعمها شي
الخبصه الثالثه :
ولد خالي يحط جبنه مع زبدة الفول السوداني في سندويتش
الخبصه الرابعه :
هذا شخص ماأحبه وماأبغى أقول من .. بس المهم إنه ياكل
بطاطس ليز مع شوكلاته <<من جد قرف
الخبصه الخامسه :
واحد من أولاد خالي ياكل مايونيز بملعقه
<<ماأدري وش يحس فيه..حتى مو فاضي يخلط معه شي
الخبصه السادسه :
وهي اللي تقرف من جد <<
ولد جيرانا مشهور بخلطاته الغبيه
وكل أولاد الجيران يضحكون عليه
لا وبكل فخر مايجي ياكل ولايشرب إلا قدامهم
مره طلع الشارع ومعه كاس حاط فيه بودرة جلي فراوله
وحاط عليه مويه ويشربها
<< الأخ مسوي مصنع عصير في بيتهم
ومره طلع وهو ياكل مرق ماجي على باله بسكوت أبو ديك
ومره طلع ومعه حليب بوني السايل اللي نحطه مع الشاهي
ويشربها كذا بدون شاهي
مره أمي زارتهم وكنت مع بنتهم
شوي إلا تفتح سندويتش وتحط بوسطه شوربة خضار
لا وتقول لي تبغين
أنا كنت بنصرع .. الحمدلله إن بطني كان فاضي
مع إني كنت بستفرغ الكبد والمعده والقلب
الخبصه السابعه والأخيره :
أو بالأصح الخلطه المميزه <<خلطتي أنا(ولافخر)
رز مع جبن سايل
اممممممممممممممممممم <<كذا الخلطات ولاّ بلاش
أفكر إني أقترح هالخلطه على الشيف أسامه والشيف رمزي
وتراها طلعت معي بالصدفه من الجوع
كنت جايعه ومافيه قدامي إلا رز وجبن
فقررت إني أخلطهم


أكيد باقي شباب الشعب السعودي ماقصرو
خصوصاً اللي بالمنتدى
اللي مجرب شي يشاركنا .. لازم نستفيد من بعض


شعارنا :
معاً نحو جيل يتميز بأذواق راقيه



منقوووووووووووووووووووووووووووووووول

هههههههههههههههههه لاعت كبدي خخخخخ حرام عليكي نجول

يسلموووو حياتي