أكابر وادعي كرهك عشان اكسب رضا ذاتي

وأنا اللي ذاتي ماتقبل كلام فيك قد قلته

تبيها بجد ياخلي تعال اسكن خيالاتي

فداك بداخلي منزل تنازلته وسجلته

مثل مايكتب القاضي تنازل عن عقاراتي

انا باكتب تنازل لك من احساسي تنازلته

لانك عايش بفكري فراقك من نهاياتي

انا آكل وانا شارب وانا نايم معاي انته

تعال اقول لك موقف حصلي بامتحاناتي

وانا قدامي استاذي كتبت الحل ودونته

من الاول الى التالي ابيك تعرف انا الآتي

سؤال حار في فكري انا مايوم ذاكرته

من الربكه سرح فكري وباح بكل زلاتي

وزليت بخطا فادح ولاظني تجاهلته

كتبت اسمك وسلمته على ورقة اجاباتي

بدال اسمي كتبت اسمك وللاستاذ سلمته

بدال اسمي كتبت اسمك

الشاعرة غيمة كتب:

روعة كالروعتك الله يعطيك العافية لك ودي تقبلي مروري

يسعدني ويشرفني حضورك الراقي دوماً..

شكراً لمرورك عزيزتي..

أبيآآتــ مميزهــ وراقيــهــ ..
سلمتــ يمنآآكــ على طرحكــ
ماننحرم من عبيق قلمكــ وإنتقاؤهــ
وروعة تواجدكــ
تحيتي لك

مكفخةعيال الحارة كتب:

أبيآآتــ مميزهــ وراقيــهــ ..
سلمتــ يمنآآكــ على طرحكــ
ماننحرم من عبيق قلمكــ وإنتقاؤهــ
وروعة تواجدكــ
تحيتي لك

سعدت كثيراً
باطلالتكِ وكلماااتكِ
الاكثر أروع من مشاااركتي المتواااضعه