قصيدة ياصاحبي للشاعر عبد المحسن نوار
والتي انشدها فهد مطر
راقت لي فاحببت ان انقلها لكم
ياصاحبي وينك لفت ضيقة البال
انت الوحيد اللي تعز الصداقه
ياصاحبي صكت على صدري جبال
اشيلها والصبر مرٍ مذاقه
تعال شوف الوقت وشلون ميّال
ماعاد لي في دفع الاحزان طاقه
اتعب واغنيها على كل موال
واشوف بحر الخوف يلمع زراقه
واقول بكرا يمكن تزين الاحوال
لكن هذا الحظ مكسور ساقه
افك قلبي واشتكي لك عن الحال
والقاك اعز من الاخو والرفاقه
انثر همومي بين جيّه وترحال
وانت تجمعني بذوق واناقه
دايم اشوفك صادق بكل الافعال
نعم الصديق ونعم صدق العلاقه
ياصاحبي افديك بالروح والمال
واهديك من بستان الاعماق باقه
يقصر زمن ولا يكون الزمن طال
انا خويك لو يجوّد وثاقه
الصحبه اللي مالها قدر واجلال
تسقط ويسقط اسمها بالبطاقه
ياصاحبي وينك لفت ضيقة البال
وانت الوحيد اللي تعز الصداقه
ياصاحبي صكت على صدري جبال
اشيلها والصبر مرٍ مذاقه
Hitskin.com
موضوع: يـــا صـاحبــي 
الأحد فبراير 12, 2012 10:04 am
