سهرة وجع غنّى لها الضيق موال
من حولها تجلس بقايا طعوني !
بعض الألم مايقتلك بس قتال
بالضبط مثل اللي تشيله متوني !
قدام عيني مات حلمي والآمال
ولا حيا غير الدمع في عيوني !
ياللي غيابك إنكسر منه رجال
ليتك جبرت من الهقاوي ظنوني !
خليتني في سكة الياس رحال
وأقدار حبك في وصالك عصوني !
الذنب ذنب اللي وفا والزمن مال
هذاك أنا يوم الوفا كان لوني !
من كثر ماملّ الرجا لحظة وصال
صاح الرجا فيني وصحّى سكوني !
أنا أنا مازلت / والشوق مازال
جالس وأمّول من فراقك لحوني !
أنا بدونك حالتي حالها حال
.بس إنتْ قلي كيف حالك بدوني !