خايف عليها من الثرى غطاهـااوالا الحصى حافيه اخاف اذاهـا
اكرم عليها بالكفـن يـا مطـوع بالبيت ضـل فراشهـا وغطاهـا
اكرم عليه بالكفـن هـذي امـي وأشهد عليها في ما عطت يمناها
هذي الضحى والليـل يتحرونهـ هذي السماء و نجومـها تنعاهـا
هـذي السوالـف مثلنـا تبكيهـاوالارض تنشد عن اثر لخطاهـا
هذي الكبيره كبـر هـذي الدنيـاهذي العظيمه جل مـن سواهـا
ابكي عليها مـو نهـار و ليلـه و لا سنه تمشي وأعـد قضاهـا
ابكي عليهـا كثـر مـا شالتنـي و كثر الحنين الي اختلط بغناهـا
و كثر الاسامي و كثر من سموهاو كثرالنجوم و كثر من يرعاهـا
ابكي عليها من القهـر يـا دنيـامـن لـي انـا عقـب..عقب.. فرقاهـا
من فتحـت عينـي و لا خلتنـي و شوفوا ولدها بالقبـر خلاهـا
هل التراب بوجهـا مـا قصـرشفتوا ولدها كيف هـو جازاهـا
لـو انهـا مكانـي مـا سوتهـا لاكـن اعـز عيالهـا سـواهـا
يا دود شفها ذابله جنبهـا انا ولدهـا و حاضـر وأفداهـا
قطعني هاك الي تبي من جسمي بس الكريمـه لا تجـي بحذاهـا
وأ وصيك امانه قل لها تعذرنـي و تكفى تروح تحب لي ماطاهـا
ابيها تغفر لي مثـل مـا كانـت كل خمله منهي بطيبهـا ترفاهـا
يالله عساهـا بالنعيـم الخـالـد و عساها في جنة عدن سكناهـا
يا فضو هذا الكون يا هو خالـي يا ضيق هذي الدنيا يـا مقساهـا
يا مر طعـم فراقهـا يـا مـره ماني مصـدق ارجـع وماألقاهـا
وشلون اجي غرفتها ما هي فيهاوش عذري السبحتهاا ومصلاهـا
وش اقول انا لدولابها وشنطتهـاوإذا سألنـي مشطهـا وحنـاهـا
وعباتها وماي زمزم ومصحفهـاوالمبخـره ورشوشهـا ودواهـا
الكـل فـي غرفتهـا متفقـدهـاحتى الجدار متفطـر ويرجاهـا
الكـل يبكيهـا مهـو ناسيـهـايالله صبرني و شلـون انساهـا
ياليتهامـاراحـت و خلـتـنـي او وسعـت لـي بالقبـر ويـاها
للشاعر المبدع : الحميدي الشمري
