جيتك وكلي شوق يا عذب الاحساس
اهيم بك واهواك واعيش ذاتك
واعيش في روحك على ثورة احساس
وعلى ثرى خطواتك الروح جاتك
منك حروف الحب يا حلو الالعاس
وفيك الغرور الي يزين صفاتك
لخبط اوراقي على صفحة الياس
بين الكلام وبين لحظة سكاتك
اسقيتني مرك على شفة الكاس
وضاع عمري في دفاتر حياتك
جيتك غلا صافي على كل مقياس
وكتبني بسطور في ذكرياتك
سطرتني منسي على صدر قرطاس
وتقول اسف يمكن الوقت فاتك
تبي تكون الشمس والناس قداس
من يتبعك لازم ينفذ وصاتك
دور على من كان رقعه على لباس
يعيش في ظلك وياكل فتاتك
لا صكتك دنياك بانياب واضراس
تراه يمسي واحد من خواتك
انا خوي الذيب لا نامت الناس
وبجرتي تمشي السباع الفواتك
ونور ضّوي للقرانيس نوماس
مركاي سيف مرهف الحد هاتك
ما بيع قلبي في في الهوى بيع نخاس
وان كان تبغي البعد يازين جاتك
هذا دلالك ما عرف طنخت الراس
ارميك لا بعتي كرمية حصاتك
باقي علومي باقطع النوط بالفاس
عساه ينزف ما بقى من غلاتك
