السلام عليكم ورحمه الله وبركاته
اسعد الله صبآحكم / مسآكم
كنت اتنقل بين المنتديات واعجبتني هالقصيده وحبيت انقلها لكم
مع احترامي لجميع الفراشات والنواعم >>>> وانا من ضمنكم
البارحه جاني من الحب مرسال ...من عقب مابيني وبينه خصيمه
وانا ترى في الحب مانيب فعال... ولا بعد ولع بقلبي هشيمه
ولا بعد غنيت في ساعه وصال ... ولا بعد ذقت الفراق وجحيمه
ولا جرى دمعي على الخد همال ...ولا بعد جربت مر الهزيمه
حتى وردني تالي الليل جوال ...وانا على شاهي وبسكوت ديمه
الرقم بايخ لكن الصوت قتال ...كنه مثل صوت المذيعه حليمه
قالت مساء الخير ياطيب الفال ... قلت ارحبي ترحيبه مستديمه
بالعود والصفرى ودله وفنجال ...واجبك يابنت الاصول الكريمه
ردت بضحكه ثم قالت وش الحال؟؟قلت اشهد ان الحال عقبك سقيمه
قالت وهي تضحك بعد مثل الاطفال ...وانا بعد كني بدونك يتيمه
من يوم قالتها تزلزلت زلزال... من فجعتي كني مسوي جريمه
قلت ارفعي صوتك ترى مابه ارسال ...كذاب لكن المصيبه عظيمه
قالت لقول اسمع هرجنا طال ...ممكن تصاحبني تراني وسيمه
واسمي الحقيقي اول حروفه الدال ...لكن يسموني البنات الزعيمه
صحيح احب الفخفخه واعشق المال ...لكن تراني طاهره مستقيمه
ماعندي مغازل ولا لعب جهال ...ماعندي الا الشرف والحشيمه
بس الصراحه قلبي لشوفتك مال ...واصبحت وحدك جالس في صميمه
فكر بعقلك واترك القيل والقال ...واحذر تطيع اهل العقول العقيمه
وارسل لي الحين خمسين ريال ... اشحن بها جوال اختي غنيمه
او طقم غالي فيه خاتم وسلسال ...اروح فيه بعرس والا عزيمه
قلت الحقيقه مانيب رجل اعمال ... ولاني بتاجر والموارد عديمه
انا الحقيقه شبه عطال بطال ...وعلاقتي بالفقر جدا حميمه
والراتب الله يرحم الحال مازال... محدود والمصروف ربي عليمه
والدين بالآلآف والبنك شغال ...ياكل فلوسي بالربا والظليمه
والسوق طايح والغلا ضيق البال ...والموت والله صاير اكبر غنيمه
قالت تحمل بس والحمل ينشال ...خلك شديد الباس صلب العزيمه
ياخي تصرف جعلك تصير نشال ...اهم شيء ان النوايا سليمه
لابد تفهمني على كل الاحوال ...مادمت من اهل العقول الفهيمه
قلت ايه والله فاهم اللي على البال ...لكن ترى هذي علينا قديمه
يابنت هذا صاير اليوم موال ...للي تبي تلغب على ابن اللئيمه
يابنت ماتدرين كم فيه محتال ...يلعب على الحبلين وانتي غشيمه
يابنت كم من جاهله دمعها سال ...من عقب ماجات العواقب وخيمه
والبنت لا قفى عرضها بيد الانذال ...والله مايبقى لها اي قيمه
قالت تبي ولا فخلك على جال ...مهوب ناقصني نصايح حكيمه
عز الله انك منت رجال ...وانك قليل الذوق مافيك شيمه
ياللعنبو من يصطرك بنعال ...حتى يعلمك الغزل يابهيمه
تفو عليك وصكت الخط في الحال ...مدري تفو هي مدح ولا شتيمه
تقبلو تحياتي
اسعد الله صبآحكم / مسآكم
كنت اتنقل بين المنتديات واعجبتني هالقصيده وحبيت انقلها لكم
مع احترامي لجميع الفراشات والنواعم >>>> وانا من ضمنكم
البارحه جاني من الحب مرسال ...من عقب مابيني وبينه خصيمه
وانا ترى في الحب مانيب فعال... ولا بعد ولع بقلبي هشيمه
ولا بعد غنيت في ساعه وصال ... ولا بعد ذقت الفراق وجحيمه
ولا جرى دمعي على الخد همال ...ولا بعد جربت مر الهزيمه
حتى وردني تالي الليل جوال ...وانا على شاهي وبسكوت ديمه
الرقم بايخ لكن الصوت قتال ...كنه مثل صوت المذيعه حليمه
قالت مساء الخير ياطيب الفال ... قلت ارحبي ترحيبه مستديمه
بالعود والصفرى ودله وفنجال ...واجبك يابنت الاصول الكريمه
ردت بضحكه ثم قالت وش الحال؟؟قلت اشهد ان الحال عقبك سقيمه
قالت وهي تضحك بعد مثل الاطفال ...وانا بعد كني بدونك يتيمه
من يوم قالتها تزلزلت زلزال... من فجعتي كني مسوي جريمه
قلت ارفعي صوتك ترى مابه ارسال ...كذاب لكن المصيبه عظيمه
قالت لقول اسمع هرجنا طال ...ممكن تصاحبني تراني وسيمه
واسمي الحقيقي اول حروفه الدال ...لكن يسموني البنات الزعيمه
صحيح احب الفخفخه واعشق المال ...لكن تراني طاهره مستقيمه
ماعندي مغازل ولا لعب جهال ...ماعندي الا الشرف والحشيمه
بس الصراحه قلبي لشوفتك مال ...واصبحت وحدك جالس في صميمه
فكر بعقلك واترك القيل والقال ...واحذر تطيع اهل العقول العقيمه
وارسل لي الحين خمسين ريال ... اشحن بها جوال اختي غنيمه
او طقم غالي فيه خاتم وسلسال ...اروح فيه بعرس والا عزيمه
قلت الحقيقه مانيب رجل اعمال ... ولاني بتاجر والموارد عديمه
انا الحقيقه شبه عطال بطال ...وعلاقتي بالفقر جدا حميمه
والراتب الله يرحم الحال مازال... محدود والمصروف ربي عليمه
والدين بالآلآف والبنك شغال ...ياكل فلوسي بالربا والظليمه
والسوق طايح والغلا ضيق البال ...والموت والله صاير اكبر غنيمه
قالت تحمل بس والحمل ينشال ...خلك شديد الباس صلب العزيمه
ياخي تصرف جعلك تصير نشال ...اهم شيء ان النوايا سليمه
لابد تفهمني على كل الاحوال ...مادمت من اهل العقول الفهيمه
قلت ايه والله فاهم اللي على البال ...لكن ترى هذي علينا قديمه
يابنت هذا صاير اليوم موال ...للي تبي تلغب على ابن اللئيمه
يابنت ماتدرين كم فيه محتال ...يلعب على الحبلين وانتي غشيمه
يابنت كم من جاهله دمعها سال ...من عقب ماجات العواقب وخيمه
والبنت لا قفى عرضها بيد الانذال ...والله مايبقى لها اي قيمه
قالت تبي ولا فخلك على جال ...مهوب ناقصني نصايح حكيمه
عز الله انك منت رجال ...وانك قليل الذوق مافيك شيمه
ياللعنبو من يصطرك بنعال ...حتى يعلمك الغزل يابهيمه
تفو عليك وصكت الخط في الحال ...مدري تفو هي مدح ولا شتيمه
تقبلو تحياتي
هالضحكه اشكرك على المرور
