السلام عليكم ورحمه الله وبركاته لقد تغيرت شروط التسجيل بالمنتدى
وتم تغيير مسمى المنتدى لتواكب مرحله مابعد الحرب البارده
اعرفوا الشروط زين وافهموها
واللي مايبي الشروط جعل اصابعه اللي طقت على الكيبورد للكسر
ولو ماعليه كلافه يطق راسه باقرب جدار ... حنا مانلعب
واللي يبينا حياه الله بيننا ،، فهمتوا
بما ان هذا الموقع موقعي لابارك الله فيكم وفي الساعه اللي فتحت لكم هالموقع
فاللي يبي يسجل معنا يوافق على الشروط من ورى خشمه
والشروط:
1\ اللي يسب اي واحد من الاعضاء بنجيبه وبنربط حواجبه في صدامات الهايلوكس
2\ وبنروح وبنطعس فيه باقرب طعس ،، قايل لكم حنا مانلعب
3\ اللي بيخربط بالدين ولا بالسياسه ،، هذا عذابه عذاب ،،، بخليه يتخيل انه قرد ولا عمره ذاق الموز
وابحجز له على اقرب طياره ترش الجراد وابرقى فيه على ارتفاع 50000الف قدم
وبرضخ به على خوص نخله ،، علشان مايعود لها ،، قايل لكم حنا مانلعب
3\ انتم اعضاء لكم تكتبون بس ،،، ولاحد يسوي لي فيها
مراقب مانبي مراقبين ،،فهمتوا ولا افهمكم
مسموح الذب والذب هي كلمه اتيه من الذباب وهي فعل مضارع جمع تكسير مضارع بسيط
فهمتوا صح والا مو صح قولوا صح لا باركم الله في الساعه اللي جمعت فيها هالخشش
واللي يزعل من الذب بنخربط وجهه ونخليه يطالع بالمرايه ويطلع الاخطاء
التسعه عشر ايه تسعطعش ،، ساحتنا وحنا حرين فيها
قريتوا الشروط ،،، هاه عجبتكم ؟ فهمتوها طيب ماعندنا تسجيل هالايام
واللي يبي يسجل معنا يرسل لي ايميل على التلفون اللي ماني ذاكره لكم
لان الدعوه عناد ،، واللي براسه حب ماانطحن ابطحنه له واذا فيه خير يقابلني وين مايبي
ملاااااحظه
اللي بنكتشف انه رجال مشورب ويكتب باسماء بنات ولا بنات يكتبن باسماء رجاليه
هذولا بنخلي خششهم كلمات متقاطعه يصعب حلها ،،، والله ما يضرب بعصا يا سرع طيحتهم
موافق ........
غير موافق ......
واللي فيه خير يكتب غير موافق
احسن لكم اكتبوا موافق
ههههههههههه بجد معصب مره
