كيف الحال ؟
اليوم جايه بطلبكم طلب تكفون تكفون أول مره أطلبكم
عشان كذا بدخل في الموضوع على طول .. و يـآرب يدخل عقولكم وتستوعبونه ياررررررررررب !
طبعاً , شي طبيعي النوم عندنا احنا الشبابات مشقلب فوق تحت
- اللي تواصل يومين كامله و تنام 3 ايام
- واللي تنام الصبح وتصحى بالليل
واللي .... واللي ....
أنا ما أقول شي عن شقلبة النوم ..
بالعكـــــــس !
بيني وبينكم هي اللي يحلي الإجازة
< ياويلي من الأمهات
و أبداً مـــــــــــا راح أقول شي عن الاشياء اللي نسويها لما نسهر
( الأكل , النت , السوالف والهذرة ... )
بسسسس أنا بتكلم عن
( تأخير الصلوات لما ننام ! )
بنات عيال
خلونا نكون صريحين مع بعض ..
إحنا تهاوننـا و أرخينا حبال كثيييييييييييييييييييييييــــــرة من الدين .. ( في اللبس و في الأغاني ووو في المعاصي بشكل عام ! )
بسس عاد مو نقطع أهم حبل و أهم شي بالإسلام !
الصلاة يانـاس عمود الدين !
و أول شي راح تنسألون عنــّه لما يحطونك في قبرك !
و تذكروا حديث الرسول صلى الله عليه وسلم :" العهد الذي بيننا وبينهم ( الصلاة ) فمن تركها فقد كفـر "
فقد كفر !!!!!!!!!!!
لا تقولون احنا ماتركناها !
لأن مره الشيخ محمد العريفي قال مثال مررررررررررره صحيح و أقنعني !
قال :
أنا لو بشهر 6 على سبيل المثال , قمت و نويت الحجّ و أخذت أغراضي وسافرت لمكة ..
وسويت كل الأشياء اللي يسويها الحجاج
( نويت , أحرمت , وسويت كل المناسك .. مبيت في منى و رمي الجمرات ووو الوقوف بعرفة وو ذبحت و أحللت وو ... )
بتنقبل حجتي وهي بشهر 6 ؟
مستحيل !!!
أنا صح سويت كل اللي يسوونه الحجاج , بس مو في وقت الحج !!
و الصلاة كذا بالضبط ..
لما تصحون من النوم الساعة 6 المغرب ..
وتصلون صلاة الظهر اللي هي وقتها 12 الظهر
راح تـُقبـَل منك وهي مو في وقتها ؟!
( ان الصَلاةَ كَانــَتْ عـَلَىْ المـُؤْمِنِينَ كــِتــَابــَاً مَوْقــُوتـَا )
موقوتا = لها وقتها !
--
بنات عيال احنا لازم نستوعب ايش اللي جالس يصير !
انا تفاجئت كثيـــررر فـي بنات وعيال !!!!
أذا قلن له ولها :
راح تقوم لصلاه:
ويكون الجواب بكل برود :
" لا ما أصحى , أصليهـا لما أصحى "
والعذر ان النوم ثقيل
أو مافي أحد يصحيه-يصحيها
أو التحجج بأي شي ..
وولما أجدلهم
تحاول تقنعني بحديث الرسول صلى الله عليه وسلم :
( النائم حتى يستيقظ )
المعنى من ( حتى يستيقظ ) :
لو ماكان في أحد موجود يصحيه
أو الشخص مغمى عليه
أو تحت تأثير التخدير بالعمليات مثلاً ...
و مو معناها أبد إنه لما تشبعين نوم و تصحين , تصلينها !!!
أنا بسسسس بسألك سؤال و جاوبي بينك وبين نفسك بكـــــــــــــــــــــــل صــراحة ..
- لو عندك دوام أو موعد مهمّ , أو حتى طلعة مع الأصدقاء ..
بتنامو وانتم مرتاحين ؟ وعادي تصحون بأي وقت ؟
أحلف لكم إنكم ماراح تسونها ..
بالعكـــس ..
والله بتركبون الآلارم ( المنبه ) و بتزعجون أهلك عشان يصحونك حتى لو يصحونك بمويا باردة
و بتوصون أصدقاكم يدقون عليكم
وو.. وو ..
أبي أعرف بسس..
وش اللي يمنعك من الحماس للصلاة زي حماسك للـ أشياء الثانية ؟
خلونا نكون صريحين مع بعض ..
تقولون :
( احنا ركبنا جوالاتنا ع وقت الصلاة و نمنـا ..
ولمـا دقت الجوالات .. بدون مانحس سكرناها
ورجعنا نكمل نومنـا !)
كثير بنات وعيال يتسائلون ويقولون :
احنا سوينا اللي علينا بـسس ياربي ليه ماصحينا؟!!!
أنا أقولكم ليه !
لأننا نسينا شي مهمّ ..
نسينـا النية !
( نيّة انك تصحين للصلاة )
احنا نركب جوالاتنا صح ..
بسس ما نحط في بالنـا اننـا لازم نصحــى !!!
خلونا شوي نرجع لـ مثال طلعة الأصدقاء
وش السبب اللي خلاك تصحون بسرعة لأصدقاكم وتتحمسون لهم ؟
< حتى لو انك تعبااانة-تعبان وو مانمت الا قبل موعد روحتك بساعة بـسس وربي بتصحين-
بتصح !!
أكــــــــييييييد لأنك مشتاق لهم
وتدرون ان هالطلعة ماراح تتكرر ,
أو لأن ممكن يزعلون لما ما تجي لجمعتهم ..
السؤال المهم هِنــا :
معقولة نتحمس لأصدقنا.. وننسى رب العالمين ؟!
هنا انا اقولك لازم ننوي اننـا نصحى ..
و بساعدك شوي ..
سوي كم شغلة بسيطة قبل النوم و صدقوني بتقدرون تصحون للصلاة بإذن الله !
أولاً :
حطو في بالكم إنكم ممكن تنامون
ومعاد تصحون من هالنومة !!!!
ومعاد تصحون من هالنومة !!!!
ومعاد تصحون من هالنومة !!!!
وكيف بيكون شكلك قدام رب العالمين وانتي نايمة-نايم عن الصلاة ؟
ثانياً :
ذكّرو أنفسكم كثييييررر بأهمية الصلاة !وتذكرعقوبة تأخيرهـا .. ( من المناظر التى رآها رسول الله صلى الله عليه وسلم لمـّا أسري به ليلاً : رأى قوماً يرضخون رؤوسهم بالحجارة كلما رضخت عادت كما كانت لا يفتر عنهم تضرب رؤوسهم بالحجارة فتتحطم ثم ترد مرة اخرى ثم ترضخ .فقال : من هؤلاء يا جبريل ؟فقال : هؤلاء الذين يتكاسلون عن الصلاة )
ثالثـاً :
اقنعي أقنع نفسك إنك تقدون تصحون للصلاة ..
لأنك لو ماتقدرون ,
ماكان صحيت للدوام , و لا صحيت لو بيجي بيتك أحد
ولا ... ولا ... !
رابعاً :
وصّــ أهلك أو أي أحد ..
و أصرّ إنهم يصحونك ..
عشان حتى لو صار يوم و نسيت توصينهم ..
يصيرون هم يعرفون انك مهتم لها
خامساً :
حاو تبعد الجوال عنـّك مو لازم يكون قريب منك
عشان تضطر تقوم من السرير و تروح لمكان الجوال وتسكره ..
وقتها بتكون صحيت وو بتقوم تصلي
سادساً :
اذكرو الله قبل تنامو واحرصو على اذكار النوم ..
و ادع الله انه يعينك على القومة ..
هااا وين راايحين لاتنسوووون اهم شئ الخشووع في الصلاه مو تقومون وفي نص الصلاه نسمع شخيرك وانتي خامد [الخشووووووووع مهم]
كل هذا عشان الله يرضي عليكم