فكر بعقلك لاتغمض جفونك
واخذ النصيحه جعل ربي يخليك
لاشفت ناس باللقا يمدحونك
اعرف ترى هرج القفا مايسليك
من يمدحك قدام عينك يخونك
ومن يمدحك بقفاك بالقلب شاريك
احرص على اللي ضاق صدره بدونك
واترك صديق بالسعه دوم باغيك
بعض الصداقه للمصالح يبونك
واليا اخذ المطلوب قل وش يبي فيك
عليك في ربع السعد ينفعونك
لو واحد منهم عن الناس يغنيك
لاصحت ضايق كل ابوهم ياعونك
ولاغبت عنهم ارسلوا من يناديك
يرتاح لاشاف الفرح في عيونك
ويضيق لاشاف الحزن في حكاويك
احد على سر الصداقه يصونك
واحد على سر الصداقه حكى فيك
ربع الرخا لاضقت صعبه يجونك
وربع الشدايد واحد بس يكفيك
راااقت لي
