بسم الله الرحمن الرحيم
السلام عليكم ورحمة الله بركاته
هذه قصه حقيقيه تقول الفتاة انهم تعودو الذهاب الى البر كل اجازه ربيع مع اعمامها حيث يخيمون في البر لمده اسبوعين
المهم انه في مره من المرات في وقت العصر البنات يقومون يتمشون ويلعبون على الرمل
المهم البنات دايم يشوفون خيمه قريبه منهم واللي لفت انتباه البنات ان الخيمه محد يجيها
فقالت وحده من البنات وش رايكم نروح ندخل ونشوف وش فيها(لقافة بنات)
المهم وافقو البنات على فكرتها وانطلقو (وانطلقت الجياد على بركة الله ونهى في المقدمه ) اعذروني وحده متأثره من متابعة سباق الخيول
المهم نرجع لقصتنى دخلو البنات الخيمه وكان مافيها احد
البنات شافوا مجلات واشرطه فديو وجرايد
جلسوا البنات الي تقراء المجلات والي تفتش اشرطه الفديو وبينما هم كذلك
حسو باحد يقف عند باب الخيمه
ناظرو الا ولد داخل عليهم
الولد يو شافهم قال: الله بنات في خيمتنى لا وبعد على عددنا
البنات قامو يصيحون الله يخليك اتركنا قال الولد: والله اني جاي انا والشباب نأخذ الفديو وماتوقعت القى بنات بدون تعب لا ترقيم ولا مواعيد
البنات طاحو على رجوله يبكون
قال:والله لو يدرون الشباب اني لاقي بنات في الخيمه ولا قلتلهم كان يذبحوني
المهم ان البنت الي اسمها نهى جالسه في زاويه الخيمه وتصيح
لفتت نظر الشاب من جمالها وهي كانت ملكة جمال
قال الولد: الزينه تبكي خلاص بترككم بس بشرط
قالو البنات بصوت واحد وش ؟؟
قال: تجي البنت الزينه هذي وتعطيني بوسه
البنات قامو يسحبونها يقولون تكفين قومي بوسه ولا شي ثاني
في البدايه رفضت بعد اصرار البنات وفقت امرها لله
المهم قالها بوسه من الخد وعطته قال خدي الثاني وعطته قال جبهتي طولها وعطته قال راسي وعطته (عيال ما ينعطون وجه)
المهم قال خلاص الحين بطلع بس لا تطلعون وراي بسرعه علشان العيال بسيارتي ينتظروني
اصبرو لين نبعد عن الخيمه شوي وبعدين اذا سمعتو البوري يعني اطلعو
اطلعو البنات ومرت التجربه بسلام
الشاب الي شافهم من القصيم البنت ماغبت عن عينه المهم راح وسأل عن اهل البنت وهم معروفين ورح وخطب البنت ووافقت وتزوجها
والحين كل مايبون يروحون البر مع اهلها قال لها:انتبهي تدخلين اي خيمه