ودي اضـم ايديـك واقبـل ايديـك
وأفرش لك ذراعي مخـده لنومـك
وان قمت من نومك وعيني تراعيك
سولف عن احلامك وعطني علــومـك
استأذنـك لحظـه دقايـق بخليـك
بروح ابشر عالمـي فـي قدومـك
في غيبتك احلم اشوفـك واحاكيـك
سمتني الدنيـا بعـدك مــحرومـك
يامـا تخيلتـك بدربـي واناديـك
اقول : وشفيهـا تـردت عزومـك
لك وقت متغير على قلـب مغليـك
ماكنه الـي شـال عنـك همومـك
ابيع من عمري على الناس واشريك
لو باعتك دنياك مارخصت سومـك
ماهو على شانك على شان ماضيك
مهما تسوي اعـذرك مـا الومـك
هذا خيالي كـل مـا مـر طاريـك
والا الحقيقه عايش ارجي غيومـك
اضحك على نفسي اذا قلت مابيـك
انت القمر والناس هـذي نجومـك
حببتني في كـل حاجـه حواليـك
مانيب من قومك واحامـي لقومـك
قصيدة رومنسية اعجبتني كثيرا فنقلتها لكم ...
.
