وينك وانــا قلبــي معـك مـولـــع ٍفيــــــك
مـن زود فكـري مـا قــدرت اتنـاســــــاك
وينـك وعينــي بـانتظـــارك وتــرجيـــك
اسـرارهـا دمـــع ٍمـن غيابـك اغــــــلاك
وينــك وقلبــي نبــــع بـالـــود يسقيــــــك
حتى المشـاعــر فيـض مـن نبعـه اسقـاك
الشــوق مـن طيف الـولـه جـا ينــاديــــك
لـــولاه مــــا لك قلب بــالـــــود يهـــواك
طـوّل غيــابك وابتـــدى الوجــد يطريـك
حتـى غيـابك لـه زمــن حـــن ّواطـــراك
درب المسـافــة لاجـلك اطـــويه واجيــك
وارسـم خطى رجلـي على درب ممشـاك
ذاك اللقـــا مـرســوم فـــي قلب يغليـــــك
مـرســوم فــي قلب ٍ بشــوقـــه تمنـــّـــاك
لــو كــان بيــدي قربنــا لاجـــل الاقيـــك
لاحســم لقــانـا واطــوي البعـــد والقــاك