صبح الورد والعتر مسائن جميلن>>منقوولعندي سؤال فاقع مخي من زمان الا وهو ::
ليش الرجال مايحب كثرة الأسئله ؟؟؟
يعني مثلا أبضرب مثال :: أنا وخواتي مره من المرات قاعدين نسولف ودخل علينا واحد من
أخواني وسلم وقعد يتقهوى معنا ... الزبده أنه قعد يسولف عن كشتتن كشته مع عيال خوالي
أنه خيموا وغرزوا بالنفود وقعدوا لهم ساعتين على بال مايطلعون السياره الموهيم وسألناوه
فلان وش صار عليه ؟؟ تغير ولا لاء ؟؟ وين ساكن ؟؟ وش معه سياره ؟؟ ليش تمشي معه ؟؟
أو إذا صار عندنا عشاء كبير وسألناوه من الي حضر ؟؟؟ ومن الي ماحضر ؟؟؟ وراه ماجا ؟؟؟
أو مثلا حفلات الزواج إذا صوروا المعازيم سألناوه من هذا ؟؟ وراه متغير ؟؟ من هذا الي ماسك
السبحه ؟؟ أو إذا قلنا هذا فلان بدون ما نسأله قعد يناظرنا !!!! لأننا نذكره وكنا نلعب معه أيام
الطفوله ..... أدري إنكم بتقولون لأن البنات ملاقيف .. كثير كلامهن ... أبي أجوبه غير هذولي ...
