انت ياللي من حكي الناس وش فيك مغبون ..

انت ياللي من حكي الناس وش فيك مغبون ..

للشاعر :: فهد الشهراني ..

رآئـــــــعـــة .. ..



انت ياللي من حكي الناس وش فيك مغبون . البشر لا ضقت منها تزيد طعونها

ولا تحاول ترضي الناس وتقول وش تبون . غايتن لو تجد النفس تكسر دونها

وان جلست في مجلس الزور والي يكذبون . لا يغرك كثرة الزاد فوق صحونها

ان جلست في مجلس الزور تكفاك الطعون . وان حكيت بكلمة الحق مايرضونها

وانتبه عثرت خويك والي الاقرربون . انك تبين للاجانب وش مضمونها

صاحبك وعيال عمك وربعك يكرمون . قدرهم لو بعت الاشناب لاجل عيونها

لو جفاهم جاهم البعد بالفزعه يجون . وقفتن يبقا صداها ولا ينسونها

خذ كلامي يا محمد وهونها وتهون . كم تجرعت المراره وذقت غبونها

التجارب اشعرتني بما لا يشعرون . والمصايب درستني وانا ممنونها

لين صرت اعلم الناس كيف يرتبون الجروح . وكيف الالم مايسلونها

عيش جرحك وانت راضي تلذذ بالشجون . النفوس احيان تحتاجك وشجونها

الصباح يعلم الناس كيف يقدرون . مافضح ستر الليالي ومن يسرونها

والليالي لو فضح سترها نور العيون . كان شفنا عاقل الناس من مجنونها

آه يا مقسى نجاحي على اللي يكرهون . و آه يا محلى بيوتي على مفتونها

اييه يا كثر المشاريه و اللي يشرهون . و ناس لا قلنا قصيده تقوم قرونها

ما علينا دام في الناس ناسن يعشقون . و القصيده قبل لا قولها يقرونها



ما زعلنا و النهايات للي ياصلون . خل ناسن من ورانا تسن سنونها

إن حكيت علم الناس ما لا يعلمون . و إن كتبت الخص القول في مضمونها

و ان بغيت انزه النفس عما يصفون . الثقة تطغى على شكلها و ظنونها

الشيوخ اليا تحاكوا بكلمة ينثنون . كلمة و عجزوا ملايين ما يثنونها

و انا شيخن من شيوخ الشعر لا يجحدون . و الفعايل تبطي الناس ما يمحونها

كل ما عديت رجم المعالي يزعلون . الله يكفاني غثى الناس و شر عيونها

و لا تحاول ترضي الناس وتقول وش تبون . غايتن لو تجهد النفس تقصر دونها




ودي واحترامي لكم ..

ابيات جميييله..
اشكرك على النقل الرائع..
بانتظار جديدك..

ودي يسبقه حبي..

صح لساااانكـ ولسااان الشاااعر فهد الشمراااني


ونتمنى تشوووف قصااايده بالمنتدى الرااائع

هلآ هلآ..بالغآلييآت...
منووورآت يالغلآ..
لآعدمتكم,,